Willys MB 1944, რესტავრაციის თემა Options

[irakli]

დაპირებისამებრ გავხსენი ომისდროინდელი ვილისის რესტავრაციის თემა.
მანქანა ვიყიდე 1500$ ად რამდენიმე წლის წინ შალვას გარდაცვლილი მეგობრის ოჯახიდან. დაშლილ, მაგრამ კომპლექტურ მდგომარეობაში.

თავისი ნაწილები, რაც მოყვა:
- ძრავი, ხიდები, სტარტერი, დისტრიბიუტორი, ბენზონასოსი, ჰაერის ფილტრი, ბენზინის ფილტრი, რადიატორი, კოლოფი, გამანაწილებელი, კარდნები, საჭის მექანიზმი.

არაქარხნული ნაწილები:
- რესორები, გენერატორი, კარბი, ამორტები, რელე, მთავარი სამუხრუჭე მექანიზმი.

შევღებე (არასწორი ფერის საღებავით და ახლა თავიდან არის გადასაღები), ჩატარდა მეთუნუქის სამუშაო , ასევე დათო კვატაშიძის დახმარებით მანქანაზე გავიყვანე შეზეთვის სისტემა, ელექტროობა და ბენზინის მომარაგების სისტემა. (შეზეთვაც, ელექტროგაყვანილობა და ბენზინის მომარაგებაც ქარხნულის რეპლიკაა)

შალვას დახმარებით გავარემონტე ძრავი 0.6 ზე და ავაწყეთ.

მანქანზე დავაყენე autolite 44 წელს გამოშვებული გენერატორი (10Y) ნიშნავს 1944 წლის 10 თვეს. 6 ვოლტიანია და 12 ვოლტიან სისტემაზე სამუშაოდ დათომ მირჩია 1 ომი წინაღობის დამატება field სადენზე. ასევე დავეყენე 6 ვოლტიანი ორიგინალი autolite ბაბინა. 1943 წელს გამოშვებულია დამიწებით, მაგრამ 1944 წლიანი რაც ვნახე ძვირი იყო ყველა.
ამ ეტაპზე მანქანა იქოქება, დადის და გასაფორმებელია.

მანქანაზე დაყენდა ალემიტის კორექტული შპრიცი კაპოტის შიდა მხარეს, აფთიაქი ომისდროინდელი წამლებით (მერე ვნახე, რომ შეცდომით, რადგან 44 წლის დასაწყისში არ მაგრდებოდა ტორპედოზე, იგივე შეცდომას არ გავიმეორებ და უკვე ნაყიდი შეზეთვის ნახაზის დამჭერი კაპოტზე არ დავამაგრე), შესაბამისი "ფაირფაიტერის" მარკის ცეცხლმაქრი. ასევე ვიყიდე შესაბამისი წლების ნასოსი ახალი რეზინით.

გეგმაშია:

1. უკანა ორიგინალი რესორების დაყენება (1945 მოდელის ვიშოვე 11 ფურცლიანია და 2 გამოვაკელი, რადგან 44 წელს 9 ფურცლიანი უნდა ყოფილიყო. ). ასევე ნაყიდი მაქვს წინა რესორებიც.
2. მანქანის გადაღებვა ორიგინალ ფერად. 33073 ზეთისხილის მატი. (309 ნომერიც შეიძლება, ცოტა მუქია, მაგრამ არ ვიცი ზუსტად რა თარიღის მერე იყო)
3. მარკირების გაკეთება. (ჯერჯერობით ქარხნული, ჯარში განაწილებამდე, გვერდებზე ლურჯი ნომრებით (შავთეთრ ფოტოებზე რომ არ გამოჩენილიყო და მტერს ვერ გამოეთვალა რაოდენობები) და თეთრი ვარსკვლავებით (შეტევის სტილის გარეშე, ანუ წრეში ჩაუსმელად))
4. გაფორმება (ხვალ ვაპირებ და ვნახოთ როგორ გამოვა)
5. უკანა ხელსაწყოების უჯრების საკეტების აღდგენა
6. ბენზინის ავზის ღრმულის გამოცვლა
7. უკანა სკამის ძირის გამოცვლა და ნასოსის დამაგრება.

ფოტოები მალე იქნება

დამატება: გეგმააშია ასევე რადიობოქსის დამატება, ის გამოიყენებოდა რადიოსთვის მანქანის ელექტრო სისტემის მუშაობით ხელშეშლის გამოსარიცხად. უკვე დაყენდა დამიწების ლენტები. იდეაში დასაყენებელია კონდენსატორები, ჯერჯერობით მხოლოდ 1 მაქვს კორექტულად რელეზე. საჭიროა ბაბინაზე, მეორე რელეზე, გასაღებზე, სტარტერზე... ეს არის ჩახშობა II სისტემის შემადგენელი ნაწილი, რომელიც ვილისზე 44 წლიდან დაყენდა ხოლო ფორდზე 44 წლის შემოდგომიდან, მანამდე იყო Suppression 1 სისტემა ნაკლები კონდენსატორებით და მეტი დამიწების ლენტებით.