თუშეთი 18-20-22 სექტემბერი 2009 |
თუშეთი 18-20-22 სექტემბერი 2009 |
chochich |
Sep 21 2009, 16:08
Post
#1
|
Super Member Group: Registered Posts: 2,243 Joined: 18-February 09 Member No.: 3,823 მანქანა: Jeep Cherokee |
მოგესალმებით ყველას
ორმა ეკიპაჟმა დავასრულეთ ექსპედიცია თუშეთში. სულ წავედით შემდეგი ეკიპაჟები 1) Gira და (კარაველები) 4Runner BF goodrich 33" 2) Vada და (ლუკა, ლუკას ძმაკაცი, ლალი, ედისონი) Prado GT radial (ზომა არ მახსოვს) 3) Cherokaa და (ჭოჭიჩ, ალექსანდრე უჯმაჯურიძე, ლიკა უჯმაჯურიძე, ჩემი ძმაკაცი გიორგი) Grand cherokee BF goodrich 32" (სანდროს საბურავები, ათხოვა რეზის სპეციალურად ექსპედიციისთვის) Gira დარჩა თუშეთში და ჩამოვა ხვალ თუ არ ვცდები. შევიკრიბეთ სამგორის მეტროს თავზე (აეროპორტის ტრასაზე, რომპეტროლის ბენზოგასამართსადგურზე), 7:30 წუთზე შევიკრიბეთ, ბენზინი ჩავასხით, ბალონით კრიშაზეც დავაკარით და დავიძარით. წავედით გომბორის უღელტეხილით, გზა იყო დანგრეული, ბოლო 10 კილომეტრი შეკეთებული. შემდეგ გავცდით ალვანს და შევჩერდით, Gira-მ მანქანა შეგვიმოწმა, აქედან ცივილიზაცია მთავრდებაო და რამე პრობლემა არ შეგექმნათო. დაიწყო ძალიან დიდი, გრძელი და მაღალი უღელტეხილი, ღვთის წყალობით მშვიდობიანად გადავიარეთ, გზაზე თოვლიც კი წამოვიდა. პირველ დღეს ავედით დიკლოში, რომელიც ბოლო სოფელი აღმოჩნდა და შემდეგ დაღესტანი იწყებოდა თუ არ ვცდები. დიკლოში გვიმასპინძლა ბატონმა სარდიონის ოჯახმა. დიკლოში ვნახეთ პატარა კოშკი შორიდან და შემდეგ სუფრას შევექეცით, და შემდეგ დავიძინეთ. მეორე დილის გამთენიას, Gira შემოვიდა ოთახში, მობილიზაცია გამოაცხადა, რათქმაუნდა ყველანი სხარტათ წამოვხტით და წავედით სოფელ გირევში, გირევში ვნახეთ ულამაზესი ციხე-კოშკები, ვიყავით ტბაზე ასული სადაც გირამ წარუმატებლათ ითევზავა კალმახზე, (ტბის სახელი დამავიწყდა სამწუხაროდ). გირევი იყო ძალიან ლამაზი სოფელი. თუშეთში მოძრაობა ჩემი აზრით ცალკე თემის გახსნის ღირსია მაგრამ თავს არ შეგაწყენთ, მოკლედ აღვწერ, ალვანის შემდეგ არის სულ მთა-მთა სასიარულო, ძალიან მაგარი შეგრძნებაა გზაზე სადაც მხოლოდ ერთი მანქანა ეტევა, იმ მხარეს ჯდომა საითაც ხრამია, კილომეტრზე მეტი სიგრძის ხრამი. მესამე დღეს წამოვედით უკან, გზაში შეგვხვდა სოფელ დართლოსთან VAKHO VAKHO (მგონი ნიკი სწორად დავწერე) თავისი დისკო 2-ით და SIMEX EXTREME TRACKER 35" საბურავებით (ეს უკანასკნელი ვიხუმრე, F1-ს ბოლიდზე უფრო სლიკები ეყენა) ჩვენ უკან მოვდიოდით ის დართლოს დასათვალიერებლად წავიდა. გზად, ომალოში ვნახეთ შესანიშნავი ციხე-სიმაგრე თავის მუზეუმით (მუზეუმი განსაკუთრებით მე სანდროს და მის მეუღლეს მოგვეწონა, დღემდე მის შთაბეჭდილების ქვეშ ვართ). შემდეგ როდესაც შევუდექით დიდ და დამღლელ უღელტეხილს წინ დაგვხვდა თავის გაბზარული თუ გაღუნული დისკით, საბურავიდან ჰაერს აპარებდა, ვინაიდან და რადგანაც სათადარიგო საბურავი უკვე გამოეყენებინა (მანამდე გაუსკდა ეტყობა ერთი საბურავი) იყო სათადარიგო საბურავის გარეშე. შევეცადეთ საბურავების გადაწყობა გადმოწყობას, ამან წაიყო 1 საათი, არაფერი გამოვიდა, შემდეგ კომპრესორი ათხოვა რეზიმ, საბედნიეროდ შეიძლებოდა ხშირი დამატების შემთხვევაში ჰაერის, იმ საბურავით სიარული და წამოვედით ესე სვენებ სვენებით ერთად. ვახოს დავშორდით ჩვენ სოფელ ალვანში, და გადავუხვიეთ თბილისისკენ გურჯაანის გავლით (თელავის გარეშე) მაგრამ გზა იყო ცუდი და არც ისე ამოკლებდა თელავიდან მიმავალ გზას, ამიტომ მობბრუნდით და წამოვედით თელავით. იქ შევჩერდით, ხინკალი მივირთვით და წამოვედით თბილისში. Gira მკაცრად გვაკონტროლებდა ყოველ წამს გვირეკავდა სად ხართო, თვითონ უკვე დართლოში გადმოსულიყო გირევიდან და სასტუმროში ვარო გვითხრა. ეს არის უმოკლესი აღწერა, ექსპედიციის. გასვლის ყველა მონაწილეს ვთხოვ თავის მხრივ გააკეთოს თემის აღწერა რათა ერთი კაცის თვალით დანახული თუშეთი იმის მეასედი ვერ იქნება რაც იქ მართლა იყო. პ.ს. ეს ჩემი პირველი აღწერაა, და იმედია რაღაც გამომივიდა. სასვენი ნიშნების პრობლემა შეიძლება მქონდეს მაგრამ რაცკი ოდესმე მისწავლია ქართულ გრამატიკაში ყველაფერი გამოვიყენე. შევეცდები მე ვუზრუნველყო ფოტო-ვიდეო მასალა. რომელიც აიტვირთება საიტზე, და შემდეგ დაიდება ბმული ყველა სურათის ერთად, დიდი რეზოლუციით. პატივისცემით - ჭოჭიჩ -------------------- come back Nick
-------------------------------------- სამრეცხაოს ცხელი ხაზი 597 161414 |
Lo-Fi Version | Time is now: 20th May 2024 - 18:29 |