ქოზიფა 30.12.2007 -- რეპორტაჟი |
ქოზიფა 30.12.2007 -- რეპორტაჟი |
zurabau |
Dec 30 2007, 22:48
Post
#41
|
Super Member Group: Registered Posts: 3,010 Joined: 13-February 07 Member No.: 146 მანქანა: Это овчарки могут быть немецкими, а машина должна быть ЯПОНСКОЙ! |
მოკლედ დილით შევხვდით დიღომში როგორც დაგეგმილი იყო, მანქანებში გადავნაწილდით და გავუდექით გზას. (დეტალურად ნიკა დაწერს, ეს კი დასაწყისისთვის რამოდენიმე სურათი)
ჩვენ და კოტემ ბაზარში გავიარეთ და დანარჩენები იგოეტში გველოდებოდნენ by nika: ქოზიფას მონასტერი მდებარეობს მდინარე ძამას ხეობის გაგრძელებაზე, მდინარე ტყემლოვანის წყლის ხეობაში. თბილისიდან დაახლოებით 150 კმ-ში. 1400 მეტრ სიმაღლეზე. ახლანდელი მონასტერი როგორც ჩანს ახალი აშენებულია, თუმცა მრავლადაა შემონახული ძველი ნაგებობების ნაშთები. გზას რაც შეეხება არანაირი სერიოზული სირთულე არაა. უბრალოდ ზოგან არის გაყინული გუბეები რომლებიც ჩატეხილია და ბოლო 300 მეტრი არის საკმაოდ ციცაბო აღმართი სადაც თოვლში ასვლა ცოტა რთულია. აქვე უნდა აღინიშნოს, რომ აქედან არის გადასასვლელი წაღვერისკენ. უფრო მეტიც წაღვერისკენ აბუხალოდანაც გადადის გზა. ანუ შესაძლებელია ლამაზი წრიული მარშუტის შეკვრა. აქვე გზაზეა ბატეთის ტბა, ყინწვისის ულამაზესი მონასტერი (საიდანაც "გზა" ატენის სიონის ხეობაში გადადის), მოკლედ ეს რეგიონი 2008-ში უნდა ავითვისოთ. რაც შეეხება მანქანებს ჩვენიანებიდან ვიყავით 1) ბერკეტი - პაჯერო 33' მ/ტ 2) გია_ბერ - პაჯერი 32' მ/ტ 3) ლევანი - პაჯერო 32' მ/ტ + ჯაჭვები 4) ქეთ - ტლც78 32' გუდრიჩ სლალომები შიპებით 5) კოტე - ისუძუ ტრუუპერი 32' მ/ტ 6) ტეტე - პაჯერო 32' მ/ტ 7) ნონ - დისკო II 30' ბლიზაკები კარვიდან იყო ორი ნივა ერთი ვლი-5 და მეორე მგონი კამებზე. პაჯერო 3 რარაც სტრაშნი ჰტ საბურავებით, და სუძუკი ვიტარა ტრასის საბურავებით და ჯაჭვებით. ესეც რუკა პარალელური თემა კარვის ფორუმზე http://karavi.caucasus.net/viewtopic.php?t=1818 ეს კიდევ პირველწყარო: http://www.urbnis-ruisi.ge/index.php?lang=ge&content=main ქოზიფა ქოზიფას მამათა მონასტერი მდებარეობს ქარელის რაიონში, ძამის ხეობის სიღრმეში, ზღვის დონიდან 1400 მეტრზე. მთელი კომპლექსი, რომელშიც ხუთი ეკლესია შედის, განლაგებულია მაღლობ ადგილზე, შუაგულ ტყეში. ტაძრები აგებულია სხვადასხვა ისტორიულ პერიოდში და მჭიდროდაა დაკავშირებული ერთმანეთთან. პირველი ეკლესიის მშენებლობა VI-VII საუკუნეებით თარიღდება. აღმშენებლობა განსაკუთრებით XIII საუკუნეში გაძლიერებულა და გამშვენებულა სამონასტრო კომპლექსი. ტაძართა შორის ყველაზე დიდი ღვთისმშობლის ტაძრად მიყვანების სახელობის მთავარი ეკლესიაა. აღნიშნულ ტაძარზე იასონ ციციშვილი 1897 წელს წერდა: "მისმა ხელოვნებამ და ხუროთმოძღვრების გეგმამ, არა მგონია, რომ კაცი არ გააკვირვოს. არც მგონია, რომ მისი შესადარი ძვირფასი ხელოვნებისა სადმე მთლათ საქართველოში მოიძიებოდეს". ღვთისმშობლის ტაძრად მიყვანების სახელობის ეკლესია ნაგებია ბაზალტის კარგად დამუშავებული ქვით. იგი თავის დროზე მოხატული ყოფილა, რომლის კვალიც დღეს აქა-იქ თუ შეიმჩნევა. საუკუნეებს შემოუნახავთ ერთ ქვაში გამოკვეთილი წმინდა ტრაპეზი, რომელიც დღესაც ურყევად დგას. აქვეა უძველესი ხის საწიგნური და მოჩუქურთმებული კანკელის ქვა. სამონასტრო კომპლექსის მეორე _ წმ. შიო მღვიმელის სახელობის ეკლესია _ თითქმის უვნებლადაა დაცული, რომელშიც საოცარი მყუდროება და სიწმინდე სუფევს. მესამე _ ყოველთა წმიდათა სახელობის ტაძარი _ დრო-ჟამის ულმობლობას საკმაოდ დაუზიანებია, თუმცა აქ მოღვაწე მამების ღვაწლით მოხდა მისი აღდგენა. მეოთხე _ მთავარანგელოზთა სახელობის ტაძარი 2006 წელს დაემატა კომპლექს, ხოლო დანარჩენი ორი _ წმ. გიორგისა და მართალი ლაზარეს მკვდრეთით აღდგინების სახელობის ნანგრევებად ქცეული ეკლესიები დღეს უკვე გალამაზდა და გამშვენდა. აღსანიშნავია ის ფაქტი, რომ წარსულში მოღვაწე მამებს მართალი ლაზარეს მკვდრეთით აღდგინების სახელობის ტაძრის ქვეშ, მიწის სიღრმეში საძვალე მოუწყვიათ, სადაც ამჟამად მრავალი წმინდა ნაწილია დასვენებული. დიმიტრი მეღვინეთხუცესის (XIXს.), იასონ ციციშვილისა (XIXს.) და სერგი მაკალათიას (XXს.) აღწერის თანახმად, სამონასტრო კომპლექსს გარს დიდი გალავანი ერტყა, შიგნით კი ბერების სადგომები და პატარ-პატარა სენაკებიც ყოფილა. მათივე ცნობით, გალავნის შიგნით კარგად შეიმჩნეოდა წყლის გამოსავალი მილები, აქვე ყოფილა ჩაფლული ღვინის დიდი ქვევრებიც. ყოველივე ეს მეტყველებს, რომ საუკუნეთა მიღმა აქ ბერმონაზვნური ცხოვრება ყვაოდა. ბერები, საკვირველი მადლითა და ძალით აღჭურვილნი, განუწყვეტლივ იღვწოდნენ ლოცვით, კულტურულ-საგანმანათლებლო საქმიანობით, ეკლესიათა შენებით, ყოველდღიური შრომით. XVII საუკუნემდე უმოქმედია მონასტერს. ოთხი საუკუნის შემდეგ ურბნისისა და რუისის მიტროპოლიტ იობის ლოცვა-კურთხევით ქოზიფას მამათა მონასტერი აწ განსვენებული არქიმანდრიტი შიოს (ხარძეიშვილი) წინამძღვრობით 1997 წლის 17 ივნისს კვლავ აღდგა და გაცოცხლდა. ამჟამად მონასტერში 1 სქიმმღვდელმონაზონი, 4 ბერი და 2 მორჩილი მოღვაწეობს. მონასტრის ძმობას ძირითადად ახალგაზრდები შეადგენენ, რომლებიც სქიმმღვდელმონაზონი გიორგის (ჯამდელიანი) წინამძღვრობით ქოზიფაში მოღვაწე მამების გზას მოთმინებითა და შემართებით აგრძელებენ. სავანეს დიდი შრომისა და ძალისხმევის შედეგად დაუბრუნდა პირვანდელი სახე. ღვთისმოსავი ადამიანების შეწევნით განხორციელდა დანგრევის პირას მისული ტაძრების აღდგენა. ასევე გაიწმინდა და სათანადო პატივი მიეგო საძვალეს. საუკუნეების მანძილზე არსებულ სამონასტრო კომპლექს 13 ასურელი მამის სახელობის ტაძარი დაემატა. 1997 წელს სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ მოინახულა სამონასტრო კომპლექსი და გაკვირვებულმა ღიმილით აღნიშნა: "მე თითქმის მთელი მსოფლიოს წმინდა ადგილები შემომივლია და მსგავსი არსად არ მინახავს". მოილოცა რა ახლად აღორძინებული მონასტერი, გამომშვიდობებისას ქართველი ერის მამათმთავარმა ასე გაუმხილა აქაურ ძმობას თავისი ნატვრა: "ჩემთვისაც გააკეთეთ აქ ერთი სენაკი... ეს მძიმე ჯვარი რომ არ მეკისროს, უთუოდ აქ ვინებებდი მოსვლასო". -------------------- RAINFORETS CHALLENGE BUKOVINA http://rfc-bukovina.com
Правительство давно усвоило, что легче всего взять деньги у бедных. Конечно, их у них немного - но зато бедных дофига........... Если ты сейчас читаешь эту надпись, то ты относишься к тем, кому нех.. делать. |
Lo-Fi Version | Time is now: 4th June 2024 - 12:25 |