მარტვილი-ბალდა-ასხი-კინჩხა, 12-13 სექტემბერი 2015 |
მარტვილი-ბალდა-ასხი-კინჩხა, 12-13 სექტემბერი 2015 |
nika |
Sep 14 2015, 10:36
Post
#41
|
Unregistered |
ვიყავით ორი მანქანით ჩემი პაჯერო და ზურაუსტას მოკლე 70.
ჯერ ჩავედით მარტვილში და მოვინახულეთ ღვთისმშობლის მონასტერი. შემდეგ სოფელ ბალდადან შევუყევით ქვებიან გზებს. ბევრი ვიარეთ თუ ცოტა მივადექით ჯერ მდ. აბაში სათავეებში მდებარე პატარა ნასოფლარს სადაც უამრავი მწყემსი ბინადრობდა. აქედან მალევე გზა მარცხნივ ქედზე წავიდა და თავიდან კაი საშინელი როქქროულინგი იყო. მერე მიხვეულ მოხვეული დაიწყო და ცოტა გვეშველა. სიმაღლე რომ ავკრიფეთ დაიწყო ხედები. ძირითადად აბაშის ხეობა ჩანდა ჯერ. მერე თითქოს ქედივით გადავლახეთ და გამოჩნდა კარსტული ძაბრები. უამრავი. ბევრი ვიბოდიალეთ თუ ცოტა ბოლოს ავედით თვითონ ასხის პლატოზე აქ ქვები ნაკლებად იყო და უფრო მელოები იყო სადაც მწყემსებს პირუტყვი ყავდა. ამინდს კი არაუშავდა თუმცა მთების დანახვის დიდი შანსი არ იყო. ჯერ ვცადეთ პლატოს შრდილო მხარესკენ ბქას ტრეკით წასვლა, მაგრამ ერთგან ვერ მივხვდით როგორ გადაიარა ხევი (დაღმართI და აღმართი ჩანდა აუვალი). ამიტომ პირდაპირ ძირითადი გადასახედისკენ წავედით. აქედან გადაიშალა ფანტასტიური ხედი ცხენისწყლის ხეობაზე. ცაგერიც ჩანდა. წინ კი მეორე ნაპირზე ხვამლი, ოღონდ ცხადია პროფილში. შეგვეძლო პლატოს ნაპირს ჩრდილოეთისკენ გავყოლოდით, თუმცა ჩანდა რომ წასვლას აზრი არ ჰქონდა, ამ ამინდში მაინც არაფერი გამოჩნდებოდა. აქვე პატარა ჩაღრმავებაში დავეცით ბანაკი და დავტკბით ხედებით ჩამავალი მზის ფონზე. აქ ტელეფონიც იჭერდა. თან ველოდი ვარსკვლავებს მაგრამ რომ დაღამდა ნისლი ჩამოწვა ამიტომ დავიძინეთ. ღამე ქარი ამოვარდა და ღრუბლები სრულად გაფანტა, მაგრამ დილისკენ გაწვიმდა, ვიცოდით რა რომ წვიმაში კინჩხასკენ ჩასვლა არ შეიძლებოდა ისევ იმ როქქროულინგით ვიხეთქავდით გულს. თუმცა 1 საათში წვიმამ გადაიღო და ქარი ამოვარდა. თან ძალიან ძლიერი წვიმაც არ იყო. მერე ოდნავ მზემაც ამოანათა. წავიხემსეთ და აი ამ დროს გავიგეთ პირველი გრუხუნი, მერე მეორე, თან ჩანდა რომ ეს ყველაფერი ბალდისკენ ხდებოდა და ჩვენსკენ მოდიოდა. წვიმაში არც იმ ქვებზე სიარული იქნებოდა სასიამოვნო. სწრაფი ტემპებით ავკეცეთ კარვები, ამასობაში ღრუბელმა ახლოს ჩაგვიარა და ცაგერისკენ წავიდა, ოდნავ დაგვაწვიმა მაგრამ არაკრიტიკულად. სანამ გზაგასაყარზე გავედით საიდანაც ან ბალდასკენ ან კინჩხასკენ უნდა გვევლო უკვე გამოჩნდა რომ კინჩხასკენ წვიმა არ იქნებოდა, ამიტომაც გავრისკეთ და წავედით აქეთ. ხედები ძალიან ლამაზი იყო. ჩასასვლელი გზა სასყაულად დაკლაკნილი და თან კაპიტალურად აშენებული. დღემდე ამოუცნობია ჩემთვის თუ ვინ და რატომ ააშენა ეს გზა. mygeorgia.ge-ზე 50-იანი და 25-იანი ტოპორუკების შედარებისას ჩანს რომ 25-იანზე ეს გზა არაა ჯერ დატანილი ასეთი სახით. ანუ კომუნისტებს აუშენებიათ 50-80-იან წლებში. დავეშვით დაბლა. ტყეში რომ შევედით მალევე დაიწყო 3 ხიდიანების ნავალი ადგილები. თუმცა ძირითადად ხერხდებოდა მათი შემოვლა ტყით. დაზვერვა კი უნდოდა საიდან მოგევლო. ცოტა წამოჟინჟლა კიდევაც მაგრამ ისე საშიშად არა. მერე გავედით მდელოებზე და აი აქ გზაბი უარესი იყო. თუმცა აქაც უვლიდი. და ბოლოს მოულოდნელად სოფელთან ახლოს დაიწყო საკმაოდ დიდი დაღმართები სადაც გზასაც ხან უვლიდი და ხან არა. აი სადაც ვერ უვლიდი აი იქ წვიმაში მოხვედრა არასასიამოვნო იქნებოდა ძალიან რბილად რომ ვთქვა. ბოლოს როგორც იქნა ჩავეით ზედა კინჩხაში. იქიდან ავედით კინჩხა ფერდისკენ მიმავალ გზაზე და მოულოდნელად დაგხვდა ასფალტი. გადაწყდა ჩანჩქერებზე ასვლა (2 კმ იყო). ჩანჩქერებისკენაც გააგანიერეს გზა და მაგ მიდამოების მოწყობას აპირებენ პარკინგით და სპეცეფექტებით. ჩანჩქერიდან 50 მეტრში კი პატარა კაფე დაგვხვდა კანიონში აღარ წავედით რადგან დაგვეზარა და თან დრო ისე იყო რომ ზესტაფონის მშენებარე ავტობანს წესით უსაცობოდ გავივლიდით. ამიტომაც დავგაზეთ თბილისისკენ. თუმცა ბოლოს აგარასთან დოღლაურთან კახამ მანახა არქეოლოგიური მექა. უძველესი სასახლის ნანგრევები. ფოტოები და ვიდეოები იქნება მერე გუგლის რუკა https://www.google.com/maps/d/edit?mid=z1eo...-4g&usp=sharing ტრეკი მიმაგრებულ ფაილშია Attached File(s) Askhi_plateau.rar ( 221.91k ) Number of downloads: 178 |
Lo-Fi Version | Time is now: 20th May 2024 - 21:10 |