15.03.2015 დიდი და პატარა ქვაბები, დოდოს ქრა |
15.03.2015 დიდი და პატარა ქვაბები, დოდოს ქრა |
nika |
Mar 16 2015, 12:32
Post
#1
|
Unregistered |
ვიყავით გუშინ ჩემი დიფლოკას და აჩის მანქანებით. დელიკამ გაზმოხმარებაში მგონი ეკონომიურობის რეკორდი მოხსნა. ყოველ შემთხვევაში ჩალაუბნის გგს-ზე გადავავსეთ და უკანა გზაზე ისევ გადავავსეთ. მე 15 ლარი დავიმატე და აჩიმ 17 :gigi:
ახლა კი ცოტა დეტალურად. ჯერ ჩავედით ჩალაუბანში. აქ დავიგაზეთ და წავედით დედოფლისწყაროსკენ. პირველივე სოფელში ილიაწმინდაში (ტოფილი ულიანოვკა) გადავუხვიეთ მარჯვნივ, გადავედით რკინიგზაზე და მალევე მივედით დავით გარეჯელის ეკლესიასთან. ისეთი არაფერი. გვიან შუასაუკუნეების ეკლესია ყოფილა. აქედან წავედით დიდი ქვაბებისკენ. თავიდან გზად გვიწევდა ფერმებსა და არხებს შორის გზების გაკვლევა თუმცა არც ისე რთული იყო. დიდი ქვაბები შორიდან გამოჩნდა. მანქანებით მაქსიმალურად მივუახლოვდით ისე როგორც leo jafo-ს ტრეკი იყო, მაგრამ ფეხით ასვლა ვერ მოვახერხეთ. ასასვლელის ძიებაში გარშემო ნახევარწრე დავარტყით და გამოჩნდა რომ ბევრად უფრო მაშტაბური ძეგლია ვიდრე წინასწარ გგონია. სამწუხაროდ ის მთა რაშიც გამოქვაბულებია ამოკვეთილი არის ძალიან რბილი მასალისგან და სწრაფი ტემპებით იშლება. თვითონ გამოქვაბულებთან მისვლა ვერ შევძელით გარდა 1-2 დაბლა მდებარე რომლებიცაა. დაახლოებით 2 საათი დრო დავხარჯეთ აქ. წავიხემსეთ კიდევაც და ახლა უკვე პატარა ქვაბებისკენ გავეშურეთ რაც დაახლოებით 15 კილომეტრში იყო. ძალიან ლამაზი გზა იყო რომელიც ზედ ქედს მიუყვებოდა და ვაშლოვანის გზას წააგავდა. მარცხნივ დამუშავებული მიწები იყო ხოლო მარჯვნივ კანიონები და ციცაბო ფერდი. ცოტა ხანში მარჯვენა მხარესაც უფრო სწორი ფერდობი დაიწყო. დიდი ქვაბებისგან განსხვავებით, პატარა ქვაბები სულ რამდენიმე გამოქვაბულისგან შედგება, თუმცა ასასვლელი აქ არის და შიგნითაც შევედით. ერთ-ერთი ქვაბული გუმბათიანი ეკლესიის სტილშია ამოკვეთილი კლდეში. უკანა გზაზე გავითვალისწინეთ გიას (vid) რჩევა და ქვემო ბოდბესკენ მოკლე გზით არ წავედით რადგან რკინიგზაზე გადასასვლელი იქ არ ყოფილა და გიწევდა დანგრეული გზით რკინიგზის გასწვრივ სიარული. უკან თითქმის ბოლომდე ისევ იგივე გზით ვიარეთ მაგრამ რაღაც მომენტში ძალიან კარგმა გზად გადაკვეთა ჩვენი გზა და მას გავყევით გიას მიერ მოცემული კოორდინატებისკენ სადაც რკინიგზის ხიდის ქვეშ გადიოდა გზა. ბოლოში ფერმებიდან რკინიგზამდე ასე 2 კმ ცოტა დანგრეული მონაკვეთი კი იყო მაინც. გზამ გაგვიყვანა ქვემო მაღაროში. აქედან დიფლოკა თავისი სოფლისკენ წავიდა, ჩვენ კი გადავწყვიტეთ დოდოს რქაში წასვლა სადაც ახალი ფრესკებიანი ეკლესია აღმოუჩენიათ. დროში ვეტეოდით, დაახლოებით 6 საატზე ვიყავით დოდოს რქასთან. თუმცა თავიდან ამ ახალ ეკლესიაში არ გვიშვებდნენ, მაგრამ თამთამ ბევრი თხოვა და შეგვიშვეს. ულამაზესი ფრესკებია იქ თუმცა კონსერვაცია უნდა რომ არ ჩამოიშალოს. უკანა გზაზე მისლი ჩამოწვა თან შებინდებული იყო და საკმაოდ მისტიური სიტუაცია შეიქმნა ყველას დიდი მადლობა ამ ლამაზი დღისთვის ესეც გასვლის ტრეკი Attached File(s) 20150315kvabebi.rar ( 108.32k ) Number of downloads: 239 |
Lo-Fi Version | Time is now: 3rd June 2024 - 06:17 |